Bakı sakini müxtəlif şirkətləri dələduzluq yolu ilə aldadıb. Bu haqda bu gün, 22 avqust tarixində Bakuplus.az Qafqazinfo-ya istinadən xəbər verir.
37 yaşlı Vasif İsmayılov fərqli şirkətlərdən icarəyə götürdüyü yük maşınlarını metal qırıntısı kimi satmaqda ittiham edilib. İsmayılov işlədiyi şirkətdən 110.000 manat dəyərində qaldırıcı kran və ekskavator icarəyə götürərək texnikaları Goranboy rayonunda metal qırıntısı kimi 27.000 manata satıb.
İsmayılov başqa şirkətdən 5500 manat dəyərində MAZ markalı su maşınını icarəyə götürərək 5000 manata satıb. O, aldığı pulu öz ehtiyacları üçün istifadə edib.
Ümumilikdə şirkətlərə dəymiş ziyan 115.000 manat hesablanıb.
Hökmə əsasən, İsmayılov külli miqdarda dələduzluqda təqsirli bilinərək 5 il 7 ay müddətinə azadlıqdan məhrum edilib, məhkəmə zalında həbs edilib.
