Goranboy rayonunda yaşayan 31 yaşlı M.Quliyeva (şərti) keçmiş əri tərəfindən şantaj edildiyi ilə bağlı polisə müraciət edib. Bu haqda bu gün, 6 mart tarixində Qafqazinfo məlumat verib.
Qadın bildirib ki, o, bir neçə il öncə ilk həyat yoldaşı, Bakı sakini, 30 yaşlı Q.Məmmədovdan (şərti) boşanıb və ikinci dəfə ailə həyatı qurub. Lakin sonradan onun birinci əri ilə münasibətləri yenidən istiləşib və onlar gizli görüşüblər.
Lakin ötən ilin fevral-may aylarında Məmmədov Quliyevaya aralarında yaranmış münasibət və görüşləri barədə ikinci həyat yoldaşına və valideynlərinə bildirəcəyini deyərək pul tələb etməyə başlayıb. Qadın bu müddət ərzində keçmiş həyat yoldaşına 1500 manat pul verib, daha sonra 5 mart tarixində polisə müraciət edib.
Faktla bağlı Goranboy Rayon Polis Şöbəsində araşdırma aparılır.
