Bakı sakini, 32 yaşlı Mehman Həsənli ölkənin ən gənc dosentlərindən biridir. Bu haqda bu gün, 29 mart tarixində Bakuplus.az Azərbaycan Universitetləri-nə istinadən xəbər verir.
Mehman hələ 27 yaşında filologiya üzrə fəlsəfə doktoru olmuşdur. Bakı Dövlət Universitetinin Filologiya fakültəsinin Türk xalqları ədəbiyyatı istiqaməti üzrə magistraturanı fərqlənmə diplomu ilə bitirib. 2017-ci ildə diplomu müdafiə edərək filologiya üzrə fəlsəfə doktoru elmi dərəcəsinə yiyələnib, 2021-ci ildə isə dosent elmi adını alıb.
Hazırda M.Həsənli Nizami Gəncəvi adına Ədəbiyyat İnstitutunun icraçı direktorudur.
