İyulun 21-də Marqo Robbi (Barbie) və Rayan Qoslinqin (Ken) baş rollarda çəkildikləri, Qreta Gerviqin rejissoru olduğu "Barbie" macəra komediyası beynəlxalq film prokatına çıxdı. Bakıda “Barbie” dünya premyerası ilə eyni gündə “CinemaPlus” və “Park Cinema” kinoteatr şəbəkələrində prokata çıxdı. Bu haqda bu gün, 25 iyul tarixində Bakuplus.az məlumat verir.
Filmin böyük ekranlara çıxması ilə dünyada, o cümlədən Bakıda Barbi maniyasının bumu başlayıb. Azərbaycanlı blogerlər, eləcə də ulduzlar həmin trendə qoşulublar. Belə ki, Azərbaycanın Xalq artisti Aygün Kazımova "Barbie" premyerasından əvvəl xüsusi fotolayihə çərçivəsində dünyaca məşhur kukla kimi görünüb.
Film Barbieland-in gözəllik standartlarına uyğun gəlmədiyi üçün qovulan Barbinin bundan sonra real dünyada yeni həyata başlamasından bəhs edir.
“Kinopoisk” saytının məlumatına görə, ABŞ-də 155 milyon dollar (263,5 milyon manat) gəliri ilə açılan film 2023-cü ildə nəinki ən yaxşı kassa başlanğıcı, həm də qadın rejissor üçün tarixin ən yaxşı göstəricisi hesab olunur - vurğulanır ki, dünyada 145 milyon büdcəli (245,5 milyon manat) layihə artıq kassalarda 337 milyon dollar (572,9 milyon manat) qazanıb.
Посмотреть эту публикацию в Instagram
View this post on Instagram
View this post on Instagram
