Qarşıdan gələn tədris ili üçün 1 nömrəli Bakı Tibb Kollecinin “Müalicə masajı” ixtisasına gözdən əlil abituriyentlər üçün Azərbaycan bölməsi üzrə 20 plan yeri ayrılıb. Bu haqda bu gün, 21 avqust tarixində Bakuplus.az Report-a istinadən məlumat verir.
Müsabiqədə iştirak etmək istəyən 1-ci və 2-ci dərəcəli gözdən əlil abituriyentlər avqustun 21-dən 30-dək (saat 17:00-dək) Dövlət İmtahan Mərkəzinə və ya DİM-in regional bölmələrinə sənədlər təqdim etməlidirlər.
Sənədlərin siyahısı:
- Tibbi Sosial Ekspert Komissiyaları tərəfindən verilən əlilliyi təsdiq edən arayış;
- Yaşadığı ərazi üzrə poliklinikadan “peşəyə yararlılıq haqqında” tibbi arayış (AZS №086);
- “Abituriyentin elektron ərizəsi”.
Bakıdakı Dövlət İmtahan Mərkəzinin ünvanı: Nəsimi rayonu, Akademik Həsən Əliyev küçəsi, 299.
Müsabiqədə buraxılış imtahanında ən azı 50 bal (cari ilin məzunları), Azərbaycan dili və riyaziyyat fənlərinin hər biri üzrə 10-dan az olmayan (xarici dil məhdudiyyəti tətbiq edilmir) abituriyentlər iştirak edə bilərlər.
Tam (11 illik) orta təhsil bazasında orta ixtisas təhsili müəssisələrinə qəbul olmaq üçün ixtisas seçimi ali təhsil müəssisələrində nəzərdə tutulan boş qalan plan yerlərinə qəbulla eyni vaxtda aparılacaq.
