Bakı və ətraf qəsəbələrdə zibil konteynerləri qıtlığı yaşanır. Bu haqda bu gün, 29 iyun tarixində Bakuplus.az ATV-yə istinadən xəbər verir.
Belə ki, qəsəbələrdə zibillər vaxtında toplanmır deyə xoşagəlməz mənzərə yaranır və ya zibillər elə yerində yandırılır. Problem, əsasən, bağ evləri olan ərazilərdədir. Belə ki, zibil konteynerləri çox az sayda və ancaq qəsəbələrin mərkəzində yerləşdirilir. Bu səbəbdən də sakinlər öz yaşadıqları əraziləri zibilləməyə başlayırlar.
“Uzağa qoyublar. 1 paketə görə o tərəfə kimdi gedən?!” - deyə sakinlər bildirirlər.
Rəsmi qurumlar məsələ ilə bağlı bildirirlər ki, vətəndaşlar problemin həlli üçün fəallıq göstərmirlər. Bələdiyyə isə təkbaşına bu işi edə bilməz.
