Bakıxanov qəsəbəsində Oskar Əfəndiyev küçəsinin təmiri yekunlaşıb. Bu haqda 6 may tarixində Bakuplus.az Azərbaycan Avtomobil Yolları Dövlət Agentliyinə istinadən xəbər verir.
Sabunçu rayonu, Bakıxanov qəsəbəsində 1500 metr uzunluğa malik Oskar Əfəndiyev küçəsinin əsaslı şəkildə təmiri başa çatıb. Bu işlər 17 min kv.m-dən çox sahəni əhatə edib.
Aparılan təmir işləri çərçivəsində:
- Oskar Əfəndiyev küçəsi boyunca köhnə asfalt-beton örtüyünün üst qatı frezlənərək kənara daşınıb;
- yağış-kanalizasiya sistemi bərpa olunaraq işlək vəziyyətə gətirilib;
- zəruri olan yerlərdə piyada səkiləri bərpa olunub;
- köhnə səki daşları 4664 p/metr uzunluğunda yeni səki daşları ilə əvəz edilib;
- küçəyə “İnşaat Norma və Qaydaları”na uyğun olaraq yeni asfalt-beton örtüyünün döşənməsi işləri icra olunub;
- üfüqi nişanlanma xətlərinin çəkilişi işləri aparılıb;
- zəruri yerlərdə yol nişanları quraşdırılıb;
- mümkün ərazilərdə parkinq yerləri təşkil edilib;
- yeraltı kommunikasiya xətlərinin baxış qapaqlarının layihə hündürlüyünə qaldırılması işləri icra olunub.
Cari ilin “İnvestisiya proqramı”na əsasən, Sabunçu rayonu ərazisində Bakıxanov qəsəbəsi də daxil olmaqla 5 qəsəbə üzrə ümumi uzunluğu 12.7 km olan küçə və yolların təmiri nəzərdə tutulub.
[caption id="attachment_43396" align="alignnone" width="800"]
Azərbaycan Avtomobil Yolları Dövlət Agentliyi[/caption]
