Bakının Sabunçu rayonu, Bakıxanov qəsəbəsi, B.Bünyadov küçəsində kanalizasiya suları yol boyu axmağa davam edir. Bu haqda bu gün, 4 avqust tarixində Bakuplus.az məlumat verir.
Yerli sakinlərin sözlərinə görə, bir neçə gün əvvəl “Azərsu” ASC-nin əməkdaşları tərəfindən hadisə yerində işlər görülsə də, problem həll olunmayıb.
Göndərilən fotoşəkillərdə kanalizasiya daha böyük həcmdə görünür. Qış aylarından aradan qaldırılmayan problem isti günlərdə xoşagəlməz qoxunun yayılmasına gətirib çıxarır.
Həmin ərazidə 60 saylı marşrutun dayanacağı yerləşir. Sərnişinlər qoxudan yayınmaq üçün avtobusu dayanacaqdan kənarda gözləyirlər. Bu isə avtobus sürücülərinin narazılığına səbəbi olur.
[URIS id=55179]
