Paytaxtın Sabunçu rayonu, Bakıxanov qəsəbəsində iki küçə əsaslı təmir olunub. Bu haqda bu gün, 2 iyun tarixində Bakuplus.az Avtomobil Yolları Dövlət Agentliyinə istinadən xəbər verir.
Ümumi uzunluğu 1550 metr olan Ruhulla Axundov və Əşrəf Yunusov küçələrində köhnə asfalt örtüyü qazılaraq yenisi ilə əvəzlənib. Ümumilikdə 2340 kv.m ərazidə piyada səkisi salınıb.
Həmçinin yeraltı kommunikasiya xətləri bərpa olunub, yağış sularının kənarlaşdırılması üçün kanalizasiya sistemi yaradılıb.
Hazırda qəsəbənin Ramiz Qəmbərov və Şamil Kamilov küçələrində də yenidənqurma işləri aparılır.
Bunda əlavə, sözügedən rayonun 5 qəsəbəsində ümumi uzunluğu 12,7 km olan küçə və yolların təmiri işləri aparılır.
[URIS id=46999]
