Bakı Zooloji Parkında aprelin 5-i muflon balası dünyaya gəlib. Erkək balanın çəkisi 4-5 kiloqramdır. Bu haqda bu gün, 12 aprel tarixində Bakuplus.az məlumat verir.
Muflonlar dəniz səviyyəsindən 800-3500 m yüksəklikdə sürü halında yaşayırlar. Onların buynuzları ömür boyunca böyüyür. Buynuzların ölçüsü heyvanın sürüdəki statusunu müəyyənləşdirir. Onlar nə qədər böyükdürsə, muflon bir o qədər yüksək mövqeyə və dominantlığa sahibdir.
Azərbaycanda vəhşi təbiətdə muflonlara yalnız Naxçıvan Muxtar Respublikasında rast gəlinir.
[URIS id=96951]
