"Bakının Qaradağ rayonu, Yeni şəhərcik yaşayış massivində yerləşən binanın 5-ci mərtəbəsindən özünü atan 1998-ci il təvəllüdlü Vüqar İlqar oğlu Əliyev hazırda Reanimasiya şöbəsindədir".
Bunu oxu.az-a açıqlamasında Kliniki Tibbi Mərkəzin Mətbuat Xidmətinin rəhbəri Ruzbeh Məmməd deyib.
O bildirib ki, şəxs hazırda Reanimasiya şöbəsindədir və vəziyyəti ağır olaraq qiymətləndirilir:
"19 dekabr, saat 17:04-də 1998-ci il təvəllüdlü şəxs (kişi cinsli) müştərək travma, 12-ci döş fəqərəsinin sınığı diaqnozu ilə Kliniki Tibbi Mərkəzin Təcili və Təxirəsalınmaz Tibbi Yardım şöbəsinə hospitalizasiya edilib.
Yaralıya ilkin tibbi yardım göstərilib və zəruri tibbi müayinələrdən keçirilib".
***
09:28
Bakının Qaradağ rayonunda intihara cəhd hadisəsi baş verib.
Apa.az xəbər verir ki, hadisə Yeni şəhərcik bina 3 ünvanında qeydə alınıb.
1998-ci il təvəllüdlü Əliyev Vüqar İlqar oğlu yaşadığı binanın 5-ci mərtəbəsindən özünü yerə atıb.
Yaralı ağır vəziyyətdə Kliniki Tibbi Mərkəzə yerləşdirilib.
