Bakıda arvadını döyən kişinin barəsindəki qərardan dövlət ittihamçısı tərəfindən verilən kassasiya protesti üzrə məhkəmə iclası başa çatıb.
Bakuplus.az-ın məlumatına görə, Ali Məhkəmədə hakim Tahir Kazımovun sədrliyi ilə keçirilən prosesdə qərar elan olunub.
Məhkəmə təfərrüatlarına görə, hadisə paytaxtın Binəqədi rayonu ərazisində qeydə alınıb. Belə ki, təqsirləndirilən Aydın Seyidovla (şərti) arvadı, zərərçəkmiş Sevinc Seyidova (şərti) ilə aralarında uzun müddətdir davam edən soyuq münasibət mübahisəyə çevrilib. Mübahisəni alovlandıran isə Sevincin Aydından icazəsiz qardaşı qızının toyuna getməsi olub. Aydın bunu bəhanə edərək qadının baş, boyun və sifət nahiyələrinə 2 litrlik “Coca-Cola” plastik butulkası ilə dəfələrlə zərbə endirib.
Nəticədə Aydın Seyidov Cinayət Məcəlləsinin 126-ci maddəsi ilə təqsirləndirilib. O, saxlanılaraq cinayət məsuliyyətinə cəlb edilib.
Binəqədi Rayon Məhkəməsinin hökmü ilə aylıq qazancından dövlət nəfinə 20% məbləğində pul tutulmaqla o, 2 il müddətə islah işləri cəzasına məhkum edilib.
Hökmündən narazı qalan məhkum və zərərçəkmiş şəxs apellyasiya şikayətləri verib. Bakı Apellyasiya Məhkəməsi hökmü dəyişdirmədən saxlayıb.
Daha sonra dövlət ittihamçısı apellyasiya protesti ilə Ali Məhkəməyə müraciət edib. Qərara əsasən, kassasiya protesti təmin edilməyib.
Fidan İlqar
