Sabunçu rayonunda küçənin bir hissəsinə qaz xətti çəkilmir. Bu haqda 11 aprel tarixində Xəzərxəbər məlumat verib.
Balaxanı qəsəbəsi, Sabit Rəhman küçəsində yerləşən bir neçə mənzilə qaz xətti çəkilməyib. Buna görə də sakinlər mavi yanacağa olan ehtiyaclarını qaz balonlarından istifadə edərək qarşılayırlar.
Mavi yanacağın olmaması sakinləri əlavə xərcə salır. Onlar deyirlər ki, yaxınlıqdakı evlərə qaz xətti çəkilsə də, sözügedən ərazidə 20-dən çox mənzil mavi yanacaqla təmin olunmur.
“Həmin ərazinin qazlaşdırılması üçün sənədləşmə işlərinə başlansa da, proses yarımçıq dayandırılıb”, - problemlə bağlı "Azəriqaz"ın sözçüsü Eldəniz Vəliyev açıqlama verib.
[caption id="attachment_40174" align="alignnone" width="800"]
Foto Xəzər Xəbərin rəsmi Youtube kanalı[/caption]
