Bakının Binəqədi rayonu, Biləcəri qəsəbəsində yaşayan sakinlər rayonda yerləşən “Ağ Saray” restoranının fəaliyyətindən əziyyət çəkirlər. Bu haqda bu gün, 23 noyabr tarixində Bakuplus.az-ın redaksiyasına məlumat daxil olub.
Vətəndaşların sözlərinə görə, artıq illərdir ki, restoranda ekoloji normalara riayət olunmur, havalandırma sistemi düzgün işləmir. Məhz bu səbəbdən hər axşam ərazini restoranın mətbəxindən çıxan kabab dumanı bürüyür.
Sakinlər onu da qeyd ediblər ki, dəfələrlə həm restoran rəhbərləyinə, həm də müvafiq qurumlara müraciət etsələr də, heç bir tədbir görülməyib.
Analoji vəziyyət Yasamalın Abbas Mirzə Şərifzadə küçəsində də müşahidə olunur. Həmin küçənin kənarında yerləşən çoxsaylı kababxanalara görə ərazidə axşam zamanı qoxu yayılır, atılan ət qalıqlarına görə antisanitar vəziyyət hökm sürür.
[video width="1920" height="1080" mp4="https://bakuplus.az/storage/photos/2023/11/sequence-04.mp4"][/video]
