Bakının Binəqədi rayonu, Biləcəri qəsəbəsində su problemi yaşanır. Bu haqda bu gün, 16 noyabr tarixində Bakuplus.az ARB Media-ya istinadən xəbər verir.
Yəhyə Hüseynov, 85 ünvanında yaşayan sakinləriт sözlərinə görə, su aşağı təzyiqlə verildiyinə görə hamı özü üçün mühərrik qoyub. Əlavə su xətti çəkildiyinə görə borular nəm çəkir.
“Bilmirik, suyun pulunu verək, işığın pulunu verək. Motorumuz da xarab olanda hələ onu da düzəltdiririk. Əvvəl belə deyildi. Neçə ildir biz belə zülm çəkirik”, – deyə sakinlər şikayət edirlər.
