Paytaxtın Binəqədi rayonu, Binəqədi-Mehdiabad yolunun yaxınlığı, 2-ci mədənin 3-cü sahəsində təmizlik işləri aparılıb. Bu haqda bu gün, 23 noyabr tarixində Bakuplus.az Fövqəladə Hallar Nazirliyinə istinadən xəbər verir.
“Binagady Oil Company” şirkətinə məxsus təxminən 30 hektar ərazidə 5 ədəd neft quyusu, 3 ədəd inzibati bina və müxtəlif təzyiqli qaz kəmərləri mövcuddur, həmçinin burada yaşayış evləri də olduğundan sahə təhlükəli zona sayılır.
Bu səbəbdən ərazidə yığılan qamışlıq, kol-kos, eləcə də məişət tullantıları və yanar materiallar FHN-in əməkdaşları tərəfindən təmizlənib.
Bundan əlavə, sahədə yerləşən neft, qaz borularının təhlükəsiz istismarı və yaşayış evlərinin potensial qəzalardan qorunması üçün qabaqlayıcı tədbirlər görülür.
Hazırda ərazidə layihənin icrası davam edir.
[URIS id=80340]
