Bakının Binəqədi rayonunda antiterror əməliyyatları zamanı şəhid olan polkovnik-leytenant Əkrəm Şadmanovun adına küçənin açılışı olub.
Report xəbər verir ki, tədbirdə Binəqədi Rayon İcra Hakimiyyətinin nümayəndələri və şəhidin ailə üzvləri iştirak ediblər. Açılış mərasimi zamanı şəhidin döyüş yolu və göstərdiyi şücaətdən danışılıb.
Ə.Şadmanov 2020-ci ildə II Qarabağ müharibəsi və 2023-cü ildə antiterror tədbirləri zamanı xüsusi qəhrəmanlıq göstərib. O, 2023-cü il sentyabrın 24-də Ağdam rayonunda döyüş mövqelərinə baş çəkməyə gedərkən minaya düşərək şəhid olub.
Əkrəm Şadmanov "Vətənə xidmətə görə" ordeni, eləcə də "Vətən uğrunda", "İgidliyə görə" və bir neçə rayonun azad olunması uğrunda medalları ilə təltif olunub. Şəhid polkovnik-leytenant 2023-cü il sentyabrın 24-də II Fəxri Xiyabanda dəfn edilib.
[caption id="attachment_150832" align="alignnone" width="300"]
Foto Report[/caption]
[caption id="attachment_150833" align="alignnone" width="300"]
Foto Report[/caption]
