Bakının Binəqədi rayonunda məhəllə sakinləri pul yığıb mərasim evi tikiblər. Bu tikilidə yalnız bu həyətdə yaşamış rəhmətə gedənlər yad oluna bilərlər. Bu haqda bu gün, 16 dekabr tarixində Bakuplus.az ARB TV-yə istinadən məlumat verir.
Mərasim evinin sahibinin sözlərinə görə, burada kənardan gələn heç bir şəxsə yas mərasimi təşkil edilmir. Buna səbəb isə qonşuların öz vəsaitlərindən pul ayırıb evi bir yerdə tikmələridir. Burada yaşayan sakinlər üçün tikilidən istifadə etmək pulsuzdur.
Rayon ərazisində buna oxşar digər tikililər də mövcuddur. Lakin digər yerlərdə mərasim zalları ödənişlidir və hər kəs üçün icarəyə verilir.
