Bakının Binəqədi rayonunun Binəqədi qəsəbəsində yaşayan sakinlər yolların vəziyyətindən narazıdırlar. Bu haqda bu gün, 20 iyul tarixində Bakuplus.az Xəzər Xəbər-ə istinadən xəbər verir.
Sözügedən qəsəbənin vətəndaşları uzun illərdir ki, asfaltsız yollardan əziyyət çəkirlər. Yayda ərazini toz basır, yağışlı hava zamanı isə yollar palçığa bürünür.
Sakinlərin sözlərinə görə, uzun müddətdən bəri qurumlara müraciət etsələr də, problem öz həllini tapmayıb.
“Taksi və təcili tibbi yardım maşınları imtina edir bura gəlməyə. Yağışlı hava olanda ərazini su basır, yolları keçmək mümkün olmur ”, - deyə sakinlər şikayət edirlər.
Həmçinin onlar bildiriblər ki, bir neçə dəfə öz hesablarına yola çınqıl töküblər.
Binəqədi Rayon İcra Hakimiyyətindən bildirilib ki, Mikayıl Əkbərov küçəsi mərhələli şəkildə asfaltlanacaq.
