Bakının Binəqədi rayonunun yeni yaşayış massivində məhəlləarası yollar asfaltsızdır. Yolların bu vəziyyətdə olması yağıntılı havada piyadaların hərəkətini çətinləşdirir. Bu haqda bu gün, 17 noyabr tarixində Bakuplus.az AzTv-yə istinadən məlumat verir.
Yağan yağışlar nəticəsində yola yığılan su sakinlərə ciddi problemlər yaşadır. Sakinlər iddia edirlər ki, aidiyyəti qurumlara dəfələrlə məlumat versələr də, nəticəsi yoxdur.
Hu hal, həmçinin avtomobillərin hərəkəti üçün də çətinlik yaradır. Sakinlər öz vəsaitləri hesabına bir neçə dəfə yollara daş tökərək abadlaşdırıblar, lakin bu kifayət etmir. Yolların əsaslı təmirə ehtiyacı var.
Ictimai nəqliyyatın vəziyyətindən söz saldıqda sakinlər deyirlər ki, hava yağmurlu olanda nəinki ictimai nəqliyyat, əraziyə taksi sürücüləri belə gəlməkdən imtina edirlər. On mindən çox əhalisi olan yeni yaşayış massivinin sakinləri yağışlı havada bu yollardan yox, məhz su boruların üstü ilə mənzillərinə çatırlar.
Məsələ ilə bağlı “Azərsu” ASC–nin rəsmisi Anar Cəbrayıllı açıqlama verib: “Ərazidə yaşayan vətəndaşlar mütəmadi olaraq “Azərsu” ASC-yə müraciət edirdilər. Vətəndaşların müraciətləri İH-nin müraciəti əsasında 2022-ci ilin layihə planına salındı, və həmin ərazidə su çəkilişi işlərinə başlanıldı. Orada “Azərsu” ASC-nin sifarişi əsasında podratçı şirkətlərə məxsus çəkillişlər aparılır. Amma işlər tam yekunlaşmayıb. Işlərin bir hissəsi görülüb və bundan sonra həmin ərazidə su xətlərinin sazlanması, yoxlanılması, test edilməsi, yuyulması və birləşmələrin verilib su təchizatının tam aparılması planlaşdırılır”.
[caption id="attachment_79497" align="alignnone" width="640"]
Foto AzTv-nin rəsmi Youtube kanalı[/caption]
