Binəqədi rayonunda DSK yolunda içməli su küçəyə axıdılır.
Bu barədə Bakuplus.az-a Bakı sakinləri məlumat verib.
Sakinlərin sözlərinə görə, dəfələrlə müvafiq qurumlara müraciət olunsa da, problem aradan qaldırılmayıb.
“Bir neçə aydır ki, su daşıb. Sakinlər tərəfindən qabağına torpaq yığılır, qum tökülür. “Azərsu”nun əməkdaşları tərəfindən dəfələrlə əraziyə baxış keçirilib. Amma bir tədbir görülməyib”, - deyə şikayətçi bildirib.
Məsələ ilə bağlı Bakuplus.az əməkdaşı “Azərsu”ya sorğu göndərib. Sorğuya cavab olaraq qurumdan bildirilib ki, problemin həll olunması üçün əməli addımlar atılacaq.
