Bakının Binəqədi rayonu, Yahya Hüseynov küçəsində yaşayan sakinlər zibil qutularının kənar əraziyə köçürülməsindən şikayətçidirlər. Bu haqda bu gün, 16 noyabr tarixində Bakuplus.az Xəzər Xəbər-ə istinadən məlumat verir.
Vətəndaşların sözlərinə görə, gecə saatlarında onlara xəbərdarlıq olunmadan zibil qutularının yeri dəyişdirilib. İndi onlar bir kilometr məsafəni qət edərək zibili aparmalıdırlar. Bu səbəbdən sakinlər qutuların əvvəlki yerinə qaytarılmasını tələb edirlər.
Binəqədi Rayon İcra Hakimiyyətinin (RİH) nümayəndəsi Leyla Quliyeva bildirib ki, həmin qutular bir qrup sakinin şikayəti ilə köçürülüb. Digər sakinlər zibil qutularının onların yaşadıqları əraziyə yaxın yerə qoyulması üçün kollektiv cavab məktubu yazaraq bir daha RİH-yə müraciət etməlidirlər.
