Bulvarda dekorativ ağaca zədə vuran qadın cərimələnib. Bu haqda bu gün, 4 iyul tarixində Bakuplus.az Report-a istinadən məlumat verir.
Bu barədə Səbail Rayon Məhkəməsi qərar verib.
Qadının azyaşlı uşağının olması nəzərə alınaraq ona yüngül cəza verilib. O, 75 manat məbləğində cərimə olunub.
12:20 - Bulvarda kaktusu yandıran qadın saxlanılıb
Dənizkənarı Milli Parkda dekorativ ağaca zədə vurulması ilə bağlı sosial şəbəkələrdə yayılan görüntülər araşdırılıb. Bu barədə BakuPlus.az DİN-ə istinadən bu gün, 4 iyul tarixində xəbər verir.
Daxili İşlər Nazirliyinin mətbuat xidmətinin əməkdaşı Nurlan Əliyev bildirib ki, polis əməkdaşları tərəfindən həmin qadın müəyyən olunaraq saxlanılıb.
O, izahatında törətdiyi əməli etiraf edib.
Onun barəsində toplanmış materiallar baxılması üçün məhkəməyə göndərilib.
