Buzovna çimərliyində kanalizasiya suyu birbaşa dənizə axıdılır. Bu haqda bu gün, 5 iyul tarixində Bakuplus.az Xəzər Xəbərə istinadən məlumat verir.
Burada çirkab sular boru vasitəsilə birbaşa Xəzər dənizinə axıdılır. Ətrafı üfunət bürüməsinə baxmayaraq, insanlar burada çimməyə davam edirlər.
“Aidiyyəti qurumlar dəfələrlə gəlsə də, heç bir xeyri yoxdur. Biz istəməzdik ki, sular belə axıdılsın, bura nəzarət edən lazımdır”, - deyə sakinlər şikayət edirlər.
“Azərsu”dan məsələ ilə bağlı bildirilib ki, həmin ərazidə mərkəzləşdirilmiş kanalizasiya sistemi mövcud deyil. Gələcəkdə yeni sistem qurulacaq. Ekologiya Nazirliyi isə əraziyə baxış keçiriləcəyini vurğulayıb.
