Bakının Xəzər rayonu, Buzovna qəsəbəsində yerləşən M.Əzizbəyov adına kitabxana qeyri-qənaətbəxş vəziyyətdə qalıb. Bu haqda məlumat bu gün, 15 noyabr tarixində sosial şəbəkələrdə yayılıb.
Verilən məlumata görə, kitabxana 10 il əvvəl təmir olunub, lakin hazırda binada istilik yoxdur, döşəmələr çürüyüb, kitablar məhv olunur.
Məsələ ilə bağlı Mədəniyyət Nazirliyindən bildirilib ki, M.Əzizbəyov adına Buzovna kitabxanası ilə bağlı qüsur aktı tərtib edilib və tender elan olunub. Tender prosesi yekunlaşdıqdan sonra müəssisədə təmir-bərpa işlərinə başlanacaq.
