Helikopter və ya gəmi ilə işə gedən müəllim. O, Bakının Çilov adasında dərs deyir. Bu haqda Azedu.az məlumat verib.
27 yaşlı Məmmədxan Hüseynov hər həftə Bakıdan Pirallahı rayonunda yerləşən Çilov adasında işə gedir. O, adada yerləşən 131 nömrəli tam orta məktəbin Azərbaycan dili və ədəbiyyat müəllimidir.
Gənc müəllim məktəbi təsadüfən seçdiyini və təhsil ocağının şəhərin mərkəzində olduğunu düşündüyünü bildirib.
“Dənizin ortasında bir təhsil ocağı olduğu haqqında məlumatım var idi, amma onun 131 nömrəli məktəb olduğunu bilmirdim. Vakansiyalarda Bakı şəhərindəki 131 nömrəli tam orta məktəb yazılmışdı, mən də düşündüm ki, yəqin şəhərin mərkəzində yerləşir”.
Məmmədxan Hüseynov məktəbə gediş-gəlişin çox çətin olduğunu vurğlayır. O, helikopterlə və ya gəmi ilə adaya gedib-gəldiyini bildirir.
“Bəzən təhlükəli şəraitdə məktəbə gəlirik. Elə olub ki, 4-5 saat yol gəlmişik, amma külək səbəbindən gəmi limana yan ala bilməyib. Arada olur ki, həftələrlə dənizdəki adada qalırıq. Külək olduğundan evimizə gedə bilmirik.
O, adətən 4-cü gün adaya gedib, bazar günü axşam geri döndüyünü bildirir. Məmmədxan Hüseynov məktəbi dəyişmək fikrinin olduğunu da qeyd edib.
“Adanın havası rütubətli olduğuna görə bura gələndən sonra məndə, demək olar ki, hər gün allergiya baş verir. İkinci əsas məsələ magistr təhsili almaq istəyimdir”.
Çilov adası haqda məlumatı buradan oxuya bilərsiniz. Adada yerləşən 131 saylı məktəbdə isə 71 şagird təhsil alır. Burada 33 işçi fəaliyyət göstərir.
[caption id="attachment_97389" align="alignnone" width="640"]
Foto Azedu.az[/caption]
