Bakının Yasamal rayonunda yerləşən hündürmərtəbəli binanın liftlərinin nasaz vəziyyətdə olduğu aşkarlanıb. Bu haqda məlumatı Fövqəladə Hallar Nazirliyinin (FHN) mətbuat xidməti bu gün, 11 mart tarixində verib.
Vətəndaş Həsən bəy Zərdabi prospekti, 71A ünvanında yerləşən “Yasamal-54” MMC-yə məxsus on altı mərtəbəli yaşayış binasında iki liftin qəzalı vəziyyətdə olması barədə ərizə ilə müraciət edib.
Müraciətə əsasən, Fövqəladə Hallar Nazirliyinin mütəxəssisləri dərhal binadakı liftlərə baxış keçirib. Yoxlama zamanı liftlərin müvafiq təhlükəsizlik tələblərinə əməl olunmadan istismar edildiyi, insanların həyat və sağlamlığı üçün təhlükə yaratdığı müəyyən edilib.
Aşkar olunan nasazlıqları nəzərə alaraq liftlərdə aşkar edilmiş texniki təhlükəsizlik pozuntularının aradan qaldırılması üçün “Yasamal-54” MMC-yə müraciət edilib. Həmçinin MMC rəhbərliyinə izah edilib ki, liftlərin istismarı yalnız pozuntuların aradan qaldırılması ilə mümkün olacaq. Müvafiq akt tərtib edilib.
[caption id="attachment_36486" align="alignnone" width="800"]
Foto FHN-in rəsmi saytı[/caption]
