Binəqədi rayonu, Gülüstan qəsəbəsində yollar bərbad vəziyyətdədir. Bu haqda bu gün, 25 mart tarixində Bakuplus.az ARB-yə istinadən xəbər verir.
Söhbət qəsəbənin “12-ci dalan” adlanan ərazisindən gedir. Belə ki, burada magistral içməli su xətti partlayıb. Müvafiq qurumun əməkdaşları xətti təmir etsələr də, yollar bərbad vəziyyətdə qalıb.
“Bizim bu yol 3 aydır ki, bərbad vəziyyətdədir. Neçə yerə müraciət etmişik, amma xeyri yoxdur. Bizim uşaqlar ayaqlarına sellofan geyinib keçirlər. Təcili Yardım gəlir, qalır burada. Biz özümüz bir az düzəltdirmişik”, – deyə sakinlər bildirirlər.
Binəqədi qəsəbə bələdiyyə nümayəndəsi Rəşad İsayev vurğulayıb ki, “Azərsu”ya müraciət olunub və yaxın zamanda asfalt örtüyü çəkiləcək.
