Bakının Nəsimi rayonu, Kövkəb Səfərəliyeva küçəsində yerləşən Zəngilan, Cəbrayıl və Qubadlı rayonlarından olan keçmiş məcburi köçkünlərin məskunlaşdığı yataqxana acınacaqlı vəziyyətdədir. Binanın damı hər an uça bilər. Hər yağış yağanda mənzillərə su damır. Bu haqda bu gün, 18 noyabr tarixində Bakuplus.az Xəzər Xəbər-ə istinadən məlumat verir.
Sakinlər bildiriblər ki, onlara yaxınlıqdakı yolu genişləndirmək üçün binanın 2017-ci ildə söküləcəyi bildirilib. Bu məqsədlə yataqxanada yaşayan məcburi köçkün olmayan 70 ailəyə kompensasiya ödənilib və onlar köçüblər. Lakin hələ də yataqxanada 53 məcburi köçkün ailəsi yaşayır. Sakinlər yataqxanadan tez bir zamanda köçmək istəyirlər.
Məsələ ilə bağlı Qaçqınların və Məcburi Köçkünlərin İşləri üzrə Dövlət Komitəsindən məlumat verilib ki, göstərilən ünvanda yaşayan ailələrin vəziyyətindən məlumatlıdırlar. ''Komitənin mənzil fondunda boş yaşayış sahələri yoxdur. Həmin vətəndaşlar üçün bundan sonra yalnız işğaldan azad edilmiş ərazilərdə evlər tikiləcək. Məcburi köçkünlərin doğma yurdlarına qayıdışı zamanı ilk növbədə ən ağır vəziyyətdə yaşayanlar yaşayış sahələri ilə təmin olunacaqlar'', - məlumatda deyilir.
[caption id="attachment_79637" align="alignnone" width="640"]
Foto Xəzər Xəbərin rəsmi Youtube kanalı[/caption]
