Bakıda fəaliyyət göstərən Kliniki Tibbi Mərkəz (keçmiş Semaşko adına xəstəxana) yenə gündəmdədir. Sosial şəbəkələrdə yayılan kadrlar ictimayyətdə geniş müzakirələrə səbəb olub. Bu haqda bu gün, 13 iyul tarixində Bakuplus.az Bizim.Media-ya istinadən məlumat verir.
“TƏBİB-in “nümunəvi” klinikası olan və bəzilərinin ağız dolusu danışdığı, əslində isə bərbad gündə olan Kliniki Tibbi Mərkəzdən (keçmiş “Semaşko”) lentə alınan bu görüntülər hər kəsi heyrətləndirir. Bu cür şəraitdə işləmək oradakı həkim və tibb işçilərinə sözün həqiqi mənasında əzab verir.
Gördüklərimdən heyrətə gəldim. Kanalizasiya sularının açıq şəkildə axıdılması, elektrik xətlərinin açıq və təhlükəli şəkildə olması və digər faktları görəndə burada çalışanlara və müalicə alanlara yazığım gəldi. Zəngin tarixi və gözəl ənənələri olan bu tibb ocağındakı acınacaqlı vəziyyəti izah etməyə sadəcə söz tapmıram”, - bunu Azərbaycan Həkimləri İctimai Birliyinin sədr müavini Aydın Əliyev deyib.
Yayılan kadrlarla bağlı TƏBİB-ə müraciət göndərilib. Qurumdan bildirilib ki, məsələ ilə bağlı araşdırma aparılacaq və bundan sonra açıqlama veriləcək.
[video width="1920" height="1080" mp4="https://bakuplus.az/storage/photos/2023/07/19696.mp4"][/video]
