17:03 - Yenilənib
Hacı Şahin ölümündən 1 gün əvvəl xəstəxanaya gedibmiş. “Baku Medical Plaza”dan bildirilib ki,ilahiyyatçı tibb müəssisəsinin təcili yardım şöbəsinə gəlib. Ona xəstəxanada qalmağı tövsiyə etsələr də, o, bundan imtina edib, müvafiq vərəqə imza atıb və gedib.
“Ağrısı keçdiyi üçün: “Yəqin ki, sabah-birigün gələrəm”, - deyib, yatmaq istəməyib və evə gedib. Klinika da ondan iltizamnamə alıb ki, evə getmək risklidir, problem ola bilər. Amma o, hər şeyə rəğmən kağızları imzalayıb və gedib”, - deyə “Baku Medical Plaza”nın Kardiologiya şöbəsinin müdiri, tibb üzrə fəlsəfə doktoru Üzeyir Rəhimov qeyd edib.
Həkim əlavə edib ki, o heç vaxt ürəyindən şikayət etməyib. Bu, ilk əlamətlər olub.
[caption id="attachment_92648" align="alignnone" width="640"]
Foto açıq mənbədən[/caption]
16:50 - Hacı Şahinin ölümü ilə bağlı araşdırmaya başlanılıb
Hacı Şahinin ölümü ilə bağlı araşdırmaya başlanılıb. Bu haqda bu gün, 2 mart tarixində Bakuplus.az Baş Prokurorluğa istinadən xəbər verir.
İlahiyyatçı Hacı Şahin Həsənlinin ölüm səbəbi prokurorluq tərəfindən araşdırılır. Yaxın zamanda əlavə məlumat veriləcək.
Bu gün səhər saatlarında 49 yaşlı Hacı Şahin Yasamal rayonunda yaşadığı evdə vəfat etmişdir.
