AZAL və YAŞAT Fondunun birgə təşkilatçılığı ilə şəhid övladları üçün Heydər Əliyev Beynəlxalq Aeroportuna ekskursiya keçirilib. Bu haqda bu gün, 25 aprel tarixində Qafqazinfo məlumat verib.
Proqram çərçivəsində ekskursiya iştirakçıları hava limanının işi ilə ətraflı tanış olub, təyyarələri canlı izləyiblər. Onlara hava limanının istismarı ilə bağlı xidmətlərin işi barədə də məlumat verilib.
Gənc qonaqlar təyyarələrə texniki xidmət göstərən anqara baş çəkib, hava limanının kinoloji təlim və yanğınsöndürmə xidmətinin fəaliyyəti ilə tanış olublar.
Turun sonunda “Boeing 787 Dreamliner” təyyarəsini ziyarət edən iştirakçılar pilot və stüardessa peşələri ilə bağlı onları maraqlandıran suallara cavab alıblar. Onlar pilot kabinəsində özlərini pilot kimi hiss ediblər.
[caption id="attachment_98341" align="alignnone" width="640"]
Foto açıq mənbədən[/caption]
