Bakıda abadlıq-quruculuq işləri davam edir. Bu haqda BakuPlus.az bu gün, 2 mart tarixində xəbər verir.
Paytaxtın Sabunçu rayonunun Bilgəh qəsəbəsində “Azərbaycan Avtomobil Yolları Dövlət Agentliyi” tərəfindən məhəllədaxili yolların yenidənqurma və abadlıq işləri davam etdirilir.
Qəsəbənin Hökümə Qurbanova küçəsinin 1-ci döngəsinə eni 4 metr, uzunluğu 350 metr olmaqla yeni asfalt örtüyü vurulub, sakinlərin və avtomobillərin gediş-gəlişi üçün rahat şərait yaradılıb. Həmçinin məişət tullantıları qablarının ətrafı təmizlənib və daş hasarla çərçivəyə alınıb.
Aparılan abadlıq işləri çərçivəsində tarixi abidələrin bərpası, evlərin fasadlarının təmiri, kanalizasiya xətlərinin çəkilişi, küçələrin işıqlandırılması, piyada səkilərinin salınması, məişət tullantılarının toplanması, dekorativ kol və güllərin əkilməsi nəzərdə tutulub.
