Təhsilin İnkişafı Fondu (TİF) və Azərbaycan Nəşriyyatlar Assosiasiyası (ANAİB) məktəblilər üçün “Kitabqurdu” I Yay Oxu Marafonu elan edib. Bu haqda bu gün, 28 iyun tarixində Bakuplus.az məlumat verir.
Keçiriləcək marafonun şərtləri aşağıdakı kimidir:
- Marafona 12-16 yaşlı uşaqlar qoşula bilərlər. Daha az yaşı olan uşaqlar isə valideynin tövsiyəsi və nəzarəti ilə marafona qoşula bilərlər. Kitablar 12-16 yaşlı uşaqlar üçün nəzərdə tutulub;
- İştirakçı marafonun rəsmi Telegram səhifəsinə qoşulmalıdır. Səhifədə kitablar, eləcə də imtahan mərhələsi ilə bağlı məlumatlar paylaşılacaq;
- Sentyabrın 26-dək təyin olunmuş 7 kitab iştirakçı tərəfindən oxunmalıdır;
- Qiymətləndirilmə iki mərhələdən ibarət olacaq. Suallar iştirakçıların mütaliə etdiyi 7 kitab əsasında hazırlanacaq;
- Birinci mərhələ onlayn, "KAHOOT" proqramı vasitəsilə həyata keçiriləcək. Bu mərhələdə iştirakçıya internetə qoşulan iki telefon, kompüter, yaxud notbuk lazım olacaq. Bu mərhələdə ən yüksək göstəriciyə malik on nəfər final turuna keçəcək;
- Final mərhələsi təyin olunmuş studiyada on nəfər arasında baş tutacaq;
- Birinci yeri tutan iştirakçıya 1000 AZN, ikinci yeri tutan iştirakçıya 500 AZN, üçüncü yeri tutan iştirakçıya isə 300 AZN mükafat, digər 7 nəfərə isə kitab hədiyyələri və sertifikaflar veriləcək.
İştirak etmək üçün oxunmalı olan 7 kitabın siyahısı:
- Amin Sükut – "Tuflinlər";
- Aynur Cavid, Cəmilə Məmmədli – "Səyyah Bilgə";
- Əziz Sultan – "Əjdahaların sirri – Adəmin macəraları";
- Əziz Yaqubzadə – "Məktubunuz var!";
- Mürşüd İsmayılzadə – "Əjdaha qardaşlığı. Şirvanşahların xəzinəsi";
- Reyhan Yusifqızı – "Yaşıl gözlü qız";
- Rövşən Abdullaoğlu – "Mən yeməli deyiləm".
Teleqram səhifəsinin linki:
https://t.me/kitabqurduyayoxumarafonu
Təşkilatçıların İnstagram və Facebook səhifələrinin linkləri:
TİF
https://instagram.com/tif.edu.az?igshid=MzRlODBiNWFlZA==
https://www.facebook.com/tif.edu.az?mibextid=ZbWKwL
ANAİB
https://instagram.com/anaib__az?igshid=MzNlNGNkZWQ4Mg==
https://www.facebook.com/profile.php?id=100068702658417...
