Binəqədi rayonu, 8-ci mikrorayon, Cəfər Xəndan küçəsində meyvə-tərəvəz mağazasının yolu zəbt etməsi sakinlərin narazılığına səbəb olub.
Bakuplus.az-a müraciət edən sakinlərin sözlərinə görə, mağazanın qabağına qoyulmuş piştaxtalar küçədə gediş-gəliş və maşınların hərəkətinə maneə törədir.
“Bu nə dərəcədə düzdür? Yolun ortasına meyvələri qoyublar. Görün nə qədər qabağa çıxıb! Arxa da onun kimidir. Nəzarət edən yoxdur buna?”, - deyə şikayətçi bildirib.
Redaksiyamız tərəfindən məsələnin araşdırılması üçün Binəqədi rayon İcra Hakimiyyətinə sorğu ünvanlanıb.
