Qaradağ rayonu, Lökbatan qəsəbəsinin küçələrini su basıb. Bu haqda bu gün, 1 aprel tarixində Oxu.az məlumat verib.
Qəsəbə sakini Natəvan Alxasova bildirir ki, yağış suyu yaşadıqları küçəyə və evlərə dolub.
“Dünən gecə saatlarında yağış yağıb və Qaradağ Rayonu İcra Hakimiyyətinin qarşısındakı park tərəfdən toplanan axar sular üzü aşağı bizim küçəyə dolub. Buna səbəb kanalizasiya xətlərinin olmamasıdır. Küçənin yolunu da biz öz hesabımıza düzəltdirmişik”, - deyə yerli sakin bildirib.
Sakinlər şikayət edirlər ki, aidiyyəti qurumlar vəziyyətdən xəbərdar olsalar da, küçənin problemi 2020-ci ildən bu günə kimi həll olunmayıb.
[video width="1920" height="1080" mp4="https://bakuplus.az/storage/photos/2023/04/oxu-az-1.mp4"][/video]
