Bakıda Ələsgər Abbasovun yaradıcılıq gecəsi keçiriləcək. Bu haqda bu gün, 6 may tarixində Bakuplus.az Beynəlxalq Muğam Mərkəzinə istinadən xəbər verir.
Tanınmış cazmen və gitara ifaçısı Ələsgər Abbasov “Abşeron” qrupunda gitaraçı kimi çalışmış, V.Mustafazadənin “Muğam” qrupu ilə əməkdaşlıq etmişdir. Rafiq Babayevin idarə etdiyi Azərbaycan Dövlət Televiziya və Radiosunun Estrada Orkestrində və R.Babayevin eyniadlı rəqs qrupu ilə birgə idarə etdiyi “Cəngi” qrupunun, həmçinin C.Əmirovun rəhbərlik etdiyi “Qobustan” ansablının üzvü olub.
Hazırda Türkiyədə, İzmir şəhərində yaşayır.
Tədbir 26 may saat 19:00-da baş tutacaq. Biletləri İticket.az saytından almaq mümkündür. Qiymətlər 10-30 AZN arası dəyişir.
