M.V.Lomonosov adına MDU-nun filialı abituriyentləri 2023/2024-cü tədris ili üçün Moskva Dövlət Universitetinin Bakı filialına qəbul olmaq üçün keçiriləcək qəbul imtahanlarının şərtləri və qaydaları ilə tanış olmağa dəvət edir. Maraq göstərən abituriyentlər filologiya, tətbiqi riyaziyyat, kimya, psixologiya, iqtisadiyyat və fizika fakültələrində bakalavr və magistr hazırlığı ilə bağlı geniş məlumat əldə edəcəklər.
Fakültələrin nümayəndələri, o cümlədən Moskvadan dəvət olunan müəllimləri ilə görüş təşkil olunacaq, həmçinin abituriyentlər qəbul imtahanlarına hazırlaşmaq üçün material ala biləcəklər.
Açıq Qapı Günü 15 aprel 2023-cü il saat 14:00-da Bakı şəhəri, H.Cavid pr., 133 (Elmlər Akademiyası metrosunun yanı) ünvanında keçiriləcək.
Görüş başa çatdıqdan sonra (saat 16:00-da) universitet şəhərciyinə ekskursiya təşkil olunacaq.
Əlaqə telefonu: (012) 598 93 32.
