Nərimanov rayonu, Azadlıq prospekti ilə Nəcəf Nərimanov küçəsinin kəsişməsində məskunlaşan İsmayılovlar ailəsi təhlükə ilə üz-üzədir. Belə ki, evin içərisində ağaclar var. Amma çöl hissədə olan ağac daha təhlükəlidir. Bu haqda bu gün, 5 oktyabr tarixində Bakuplus.az ATV Xəbər-ə istinadən məlumat verir.
Sakinləri quruyan ağacın təhlükəli vəziyyətdə olması narahat edir. Vətəndaşlar mövcüd vəziyyətlə bağlı bir neçə dəfə mənzil-kommunal istismar sahəsinə, bələdiyyə, yaşıllaşdırma idarəsinə və rayon icra hakimiyyətinə müraciət etsələr də, bu müraciətlər cavabsız qalıb.
Dövlət Ekolojı Ekspertiza Agentliyinin rəisi Mirsalam Qənbərov məsələyə münasibət bildirib: “Mütəxəssislər tərəfindən ərazidəki ağaca baxış keçiriləcək. Belə qurumuş, təhlükəli və qəzalı vəziyyətdə olan ağacların götürülməsi üçün torpaq mülkiyyətçisi mərkəzi yerli icra hakimiyyətləri, bələdiyyələr tərəfindən Dövlət Ekolojı Ekspertiza Agentliyinə müraciət edilməli və rəy almalıdır.
Bundan sonra müvafiq rayon yaşıllaşdırma təsərrüfatı idarəsi tərəfindən ağacların götürülməsi və əvəzinə yeni ağacların əkilməsi təmin edilir. Məsələdən aydın olur ki, vətəndaşın müraciəti aidiyyəti ünvana ya yanlış verilib ya da ümumiyyətlə sorğu göndərilməyib”.
