Beynəlxalq qrosmeysterlər Bakıda şahmat seansı keçirəcəklər. Bu haqda 18 iyul tarixində Bakuplus.az “Libraff”a istinadən xəbər verir.
23 iyul saat 12:00-da “Libraff”ın “Park Akademiya” filialında Beynəlxalq Şahmat Günü münasibətilə Zeynəb və Türkan Məmmədyarovalar şahmatsevərlərlə görüşəcəklər.
Seansda iştirak üçün qeydiyyat şərtdir. Son tarix 22 iyuldur.
Seansda eyni anda 10 fərqli partiya oynanılacaq. Boşalan masalarda növbəti şahmatçılar əyləşəcəklər.
İştirakçılar arasında 3 qalib seçiləcək və onlara hədiyyələr təqdim olunacaq.
Ünvan: Hüseyn Cavid prospekti, 100, "Elmlər Akademiyası" m/s-nın əsas girişi ilə üzbəüz yeni tikilinin altı.
