Mərkəzi Nəbatət bağında yenidənqurma işləri davam edir. Bu haqda bu gün, 5 may tarixində Bakuplus.az Report-a istinadən xəbər verir.
Bakı Şəhər İcra Hakimiyyətinin şöbə müdiri Elmin İmanovun sözlərinə görə, bağın ərazisindəki 40-a yaxın ictimai iaşə obyekti sökülüb. Həmçinin qəzalı binalar da dağıdılıb:
“Əvvəllər bağın ərazisində qeyri-qanuni formada tikilmiş "Şəki", "Qəbələ" restoranları, avtomobil-təmir sexləri vardı. Artıq onlar sökülüb, yerində isə bir hissədə avtomobillər üçün parkinq yaradılacaq, digər hissədə isə ağacların əkilməsi nəzərdə tutulub".
İcra nümayəndəsi əlavə edib ki, bağda yeni iaşə obyektləri tikilməyəcək.
“Ərazidə geniş meşə və yaşıllıq örtüyü yaradılır, ağacların sayı artırılır, eləcə də göl yaradılır. Bağda böyük oranjereya olacaq. Oranjereyanın birində tropik, digərində isə subtropik bitkilər saxlanılacaq. Həmçinin uşaqlar üçün meydança salınır. Bundan əlavə, amfiteatrın inşası nəzərdə tutulur", - deyə E.İmanov qeyd edib.
[caption id="attachment_99354" align="alignnone" width="640"]
Foto Report.az[/caption]
