“M Teatrı”nın (“Mənim teatrım”) səhnəsində 15 aprel tarixində dünyaşöhrətli yazıçı Stefan Sveyqin “Yad qadının məktubu” adlı novellası əsasında tamaşa nümayiş olunacaq. Bu haqda bu gün, 13 aprel tarixində Bakuplus.az məlumat verir.
Tamaşanı səhnələşdirən və quruluşçu rejissoru Xalq artisti Vidadi Həsənov, bəstəkarı Röya Hüseynova, rəssamı Ülkər Əliyeva, rejissor köməkçisi Səbinə Süleymanovadır.
Əsərdə məşhur romançı tanımadığı, bəlkə də xatırlamadığı yad bir qadından məktub alır. Məktubu oxuduqca məlum olur ki, bu qadın bütün ömrü boyu yalnız onu sevib. Qadın həyatda romançı ilə qarşılaşdığı bütün məqamları xırdalığına kimi təsvir edir.
Biletləri şəhərin kassalarından və onlayn əldə etmək mümkündür.
