Sabunçu rayon sakinləri yollarının vəziyyətindən narazıdırlar. Bu haqda 18 fevral tarixində Realtv məlumat verib.
Maştağa qəsəbəsində yağışdan sonra yaranan gölməçələr burada yaşayan sakinlərə çətinliklər yaradır. Bundan əlavə sakinlərin digər şikayəti gecə işıqları ilə bağlıdır. Onlar bildirirlər ki, qaranlıq düşən kimi küçələr keçilməz olur.
“Xanlar yaşayış massivinin daxili yollarında təmir-bərpa işlərinin aparılması 2023-2026-ci illər investisiya proqramına daxil edilib. Bu illər ərzində proqrama uyğun olaraq ərazidəki yol və gecə işıqları ilə bağlı problemlər aradan qaldırılacaq”, - məsələ ilə bağlı Sabunçu rayonu Maştağa qəsəbəsinin nümayəndəliyi açıqlama verib.
