Maştağa qəsəbəsi, Xanlar küçəsində yaşayan sakinlərin məskunlaşdığı yaşayış massivində 31 ildən çoxdur ki yollar təmir olunmur. Dağılmış yollar vətəndaşları ictimai nəqliyyatdan məhrum edib. Bu haqda ATV News reportaj hazırlayıb.
31 il öncə asfaltlanan bu yollar daha sonra iri tonnajlı yük maşınlarının hərəkət etməsinə görə istismara yararsız hala düşüb. Yağışların artıq bir neçə gün əvvəl dayanmasına baxmayaraq, kələ-kötür yollarda yaranan gölməçələr hələ də qalıb.
Sakinlər problemlə bağlı aidiyyəti qurumlara müraciət etsələr də, məsələ həllini tapmayıb. Rayon icra hakimiyyətindən cavab gəlib ki, yol asfaltlanacaq, lakin bir neçə il ərzində ərazidə heç bir iş aparılmayıb.
Avtomobil Yolları Dövlət agentliyindən bildirildi ki, problemin onlara aidiyyəti yoxdur. Yol Sabunçu rayon İcra Hakimiyyətinin balansında olduğu üçün, təmiri də həmin qurum təşkil etməlidir.
Qurum nümayəndəsi bildirib ki, Xanlar küçəsinin asfaltlanması ilə bağlı müraciət Sabunçu İH-ə göndərilib. Lakin, planın bu təqdimatı əhəmiyyətsiz hesab edilib və diqqətdən kənarda qalıb. Müvafiq orqana ikinci sorğunun göndərilməsi qərara alınıb.
Sabunçu rayon icra hakimiyyətindən bildirilib ki, bu ərazidə monitorinq aparılacaq.
[caption id="attachment_33028" align="alignnone" width="800"]
Foto Atv xəbər[/caption]
