Sabunçu rayonunda 30 ildir su üzünə həsrət qalan sakinlər müvafiq qurumlardan kömək istəyirlər. Bu haqda 25 avqust tarixində rel="nofollow">Xəzər xəbər məlumat verib.
Maştağa qəsəbəsi, Rövşən Salmanov küçəsi, Dənizçilər məhəlləsinin sakinləri su üzünə həsrətdirlər. 100-dən artıq evin sakinləri illərdir ki, suyu ya maşınla alırlar, ya da hardansa vedrələrlə daşıyırlar. Sakinlər deyirlər ki, burada su problemi 30 ildir mövcuddur. Bu illər ərzində onlar suyu maşınlarla alırlar.
“Həmin ərazidə mərkəzləşmiş şəbəkə qurulmayıb. Ərazinin bir hissəsində "Azərsu"nun daxili imkanları hesabına şəhid ailələri və qazilər olan istiqamətdə su xətləri çəkilib. Gələcəkdə su olmayan digər evlərin su təminatının həyata keçirilməsi planlaşdırılır”, - "Azərsu" ASC-nin mətbuat katibi Anar Cəbrayıllı bildirib.
