“İmagine Dragons”un konsertinə biletlər satışa çıxarılıb. Bu haqda bu gün, 4 may tarixində Bakuplus.az İnsanoid-ə istinadən xəbər verir.
Belə ki, dünyaca məşhur qrupun Bakıda keçiriləcək konsertinə biletlər bu gün satışa çıxarılıb və hər kəs bilet almaq üçün İticket.az-ın saytına yönəlib. Bilet aldıqdan sonra isə məlum olub ki, sayt alıcılardan əlavə 10% xidmət haqqı alır. Konsertə biletlərin qiyməti 50-1100 manat arasında dəyişir. Bu da komissiyanın 5, 15 hətta 100 AZN-ə qədər çatması deməkdir.
Bir çox alıcı sosial şəbəkələrdə öz iradlarını bildirib, narazı olub.
Digər yandan biletlər sürətlə satılmağa davam edir. İticket.az-ın kassaları qarşısında uzun sıralar görmək mümkündür.
“İmagine Dragons” 2 sentyabr 2023-cü ildə “Baku Crystal Hall”un səhnəsində çıxış edəcək.
