Polis tərəfindən "TikTok" əməliyyatlarında saxlanılan "Vaqa" ləqəbli tiktoker Vüqar Zeynalov, "Magerramoff" ləqəbli tiktoker Əmrah Məhərrəmov və "Xozeyn" ləqəbli tiktoker Vüqar Kərimovun həbs müddəti uzadılıb.
Lent.az xəbər verir ki, bu barədə qərar Bakı şəhər Nərimanov Rayon Məhkəməsində keçirilən prosesdə elan edilib.
Belə ki, hakimlər Hafiz Kamranov və Gültəkin Əsədovanın sədrliyi ilə keçirilən proseslərdə tiktokerlərin həbs müddəti iki ay uzadılıb.
Qeyd edək ki, ötən ilin dekabrında saxlanılan tiktokerlərə qarşı Cinayət Məcəlləsinin 234.1-1-ci (Satış məqsədi olmadan külli miqdarda qanunsuz narkotik vasitələr və ya psixotrop maddələri saxlama və ya daşıma) maddəsi ilə ittiham irəli sürülmüşdü və onlar barəsində məhkəmənin qərarı ilə dörd ay müddətinə həbs-qətimkan tədbiri seçilmişdi.
