Milli Muğam Müsabiqəsinə qeydiyyat başa çatıb. Bu haqda bu gün, 12 aprel tarixində APA Heydər Əliyev Fonduna istinadən məlumat verir.
Martın 1-dən aprelin 10-dək qeydiyyatda 18-35 yaş arası müğənnilər və instrumental ifaçılar iştirak ediblər. Müsabiqəyə vəsiqə qazanan iştirakçılar aprelin 20-də elan olunacaqlar.
Müsabiqənin I turu 24-25 aprel, II turu 26-27 aprel tarixlərində keçiriləcək.
Xanəndə və instrumental nominasiyalar üzrə qaliblər aprelin 27-də elan olunacaqlar.
Yekun konsert aprelin 30-da baş tutacaq.
Milli Muğam Müsabiqəsinin qalibləri ölkəmizi “Muğam aləmi” VI Beynəlxalq Muğam Festivalında təmsil edəcəklər.
