Milli İncəsənət Muzeyində “Xalqın hikməti, elin sənəti” adlı sərgi keçiriləcək. Bu haqda bu gün, 21 iyul tarixində Bakuplus.az muzeyə istinadən xəbər verir.
İyulun 26-da keçiriləcək sərgi Azərbaycan Milli İncəsənət Muzeyində ümummilli lider Heydər Əliyevin anadan olmasının 100 illiyinə həsr olunub.
Sərgidə Sərdarlılar ailəsinin ərsəyə gətirdiyi incə zövqlə işlənmiş sandıq və sandıqçaları, mücrüləri, eləcə də müxtəlif zərgərlik incilərinin nümayişi baş tutacaq.
Ekspozisiyada Azərbaycan Milli İncəsənət Muzeyinin kolleksiyasından zəngin ornamentli xovlu və xovsuz xalçalar təqdim ediləcək.
Sərdarlılar ailəsinin əsərləri Macarıstan, Şimali Kipr, Kanada muzeylərində, həmçinin müxtəlif ölkələrin tanınmış, nüfuzlu şəxslərinin kolleksiyalarında saxlanılır.
Açılış mərasimi 26 iyul, saat 16:00-da Azərbaycan Milli İncəsənət Muzeyində baş tutacaq. Ünvan: Niyazi, 9/11.
