Paytaxtın Nərimanov rayonu, Fətəli Xan Xoyski küçəsi, 11, 11a, eləcə də Əhməd Rəcəbli küçəsi, 11 və 13 ünvanlarını əhatə edən məhəllə abadlaşdırılıb. Bu haqda bu gün, 25 oktyabr tarixində Bakuplus.az İDEA İctimai Birliyinə istinadən xəbər verir.
700 sakinin yaşadığı bu ərazidə süni örtüklü minifutbol stadionu, şahmat meydançası, müxtəlif idman qurğuları, uşaq meydançaları salınıb, eləcə də söhbətgah və oturacaqlar, tullantılar üçün qutular, quş yuvaları və pişik evləri quraşdırılıb. Ərazidə yeni işıqlandırma dirəkləri, müşahidə kameraları təşkil olunub, binaların fasad və blokları tam təmir olunub.
Ümumilikdə 210 ədəd müxtəlif cinsli ağac və minlərlə kol əkilib, 1500 kvadratmetr ərazidə yaşıllıq zolağı salınıb.
